JACK WOLFSKIN
Jack Wolfskin
Jack Wolfskin, Almaniyanın məşhur geyim
və düşərgə avadanlığı istehsalçılarından biridir. Brend 1981-ci ildə
Frankfurt-Mayn şəhərində Sine şirkətinin ticarət nişanı kimi yaradılıb. Kommersiya
məqsədilə ərsəyə gələn Jack Wolfskin layihəsi, bu günədək öz mövqeyini qoruyub
saxlayır.
Bazarı dərindən bilmək, keyfiyyətli
reklam və ən əsası güclü maliyyə dəstəyi Jack Wolfskin'i mənsub olduğu sektorunun
liderlər sırasına yüksəldib.
Jack Wolfskin qısa müddətdə şöhrət
qazanır və Sine şirkətindən ayrılmasına qərar verir. 1991-ci ildən bəri müxtəlif
şirkətlərin tərkibində fəaliyyət göstərən marka, 2011-ci ildə Blackstone Group
maliyyə qrupu tərəfindən satın alınır və bu günədək həmin şirkətlə birgə
addımlayır.
Uğurlu nəticələr əldə etmək üçün, Jack
Wolfskin turizm, səyahət, istirahət üçün yüksək keyfiyyətli, funksional, son dərəcə
rahat geyim, ayaqqabı və aksesuar istehsal etmək üçün ən yeni texnologiyalardan
və materiallardan istifadə edir. Go Sport mağazalar şəbəkəsi Jack Wolfskin kamp avadanlığı, su idmanı və snoubord aksesuarları,
idman geyim və ayaqqabılarını aktiv istirahəti sevənlərə təqdim edir.
Jack Wolfskinin şüarı: “Özünü təbiətdə evdəki kimi hiss et”. Şirkətin
missiyası aktiv həyat sürən insanları təbiətdə daha çox vaxt keçirməyə sövq etməkdir.
Bu səbəbdən Jack Wolfskin müştərilərinə bənzərsiz, keyfiyyətli məhsullar təklif
edir. Hal-hazırda markanın bir neçə ayaqqabı və geyim növü var: “Urban Outdoor”
(funksionallığı seçilən, müasir texnologiyaların və texnoloji materialların
istifadəsini əks etdirən geyim və ayaqqabı kolleksiyası), “Casual” (gündəlik istifadə üçün nəzərdə
tutulmuş geyim və ayaqqabı kolleksiyaları), “Youth Outdoor” (gənclər üçün
kolleksiyalar), “Alpinizm” (alpinizmlə maraqlananlar üçün), “Trekking” (yürüş
üçün hazırlanmış ayaqqabılar), “Hiking” (turizm üçün nəzərdə tutulan kolleksiyalar),
“Active trail” (yüngül ayaqqabılar və minimalist dizaynlı geyimlər), “Səyahət”
(aktiv səyahət üçün praktik geyim), “Outdoor” (ekstremal şəraitdə istifadə üçün
nəzərdə tutulmuş xüsusi avadanlıq) və “Kids” - uşaqlar üçün ayaqqabı və geyimləri.
Hər il marka payız-qış və yaz-yay mövsümləri üçün iki kolleksiya buraxır.
Geyim, ayaqqabı və ixtisaslaşdırılmış avadanlıqlardan əlavə marka çantalar, papaqlar,
əlcəklər, müxtəlif növ bel çantaları (velosiped, kamera, məktəb, yürüyüş və
s.), çadırlar və digər səyahət aksesuarları istehsal edir.
Marka həmçinin xammalın emalı üçün bir neçə unikal texnologiyanı
patentləşdirmişdir. Bu isə öz növbəsində məhsulların möhkəmliyinə və davamlılığına
zəmanət verir. Brendin əsas məqsədi daim
təkmilləşmək və müştəriləri yeniliklərlə ruhlandırmaqdır!